Долы қатын жылауық.

Сұғанақ қатын сұрауық.

Жаман қатын алғанның жауы үйінде.

Екі қатын алғанның дауы үйінде.

Төркіні жақын қатынның төсегі жиылмайды.

Келіннің бетін кім ашса, сол ыстық.

Қатын көп болса, шөмішті ит жалар.

Мал турасында:

Мал – адамның бауыр еті.

Ата‑анадан мал тәтті,алтын үйден жан тәтті.

Ағайын – ащы, мал – тұщы.

Мал бітпес деп ерден түңілме.

Шөп бітпес деп жерден түңілме.

Қайратты ерде мал тұрар, өнерлі ерде бақ тұрар.

Қырсыққан жігіт мал таппас, адасқан жігіт мжол таппас.

Бұралқы мал мінуге жақсы, бұралқы сөз күлуге жақсы.

Мал құлыннан, ақша тиыннан өседі.

Мал басқа, қына тасқа бітеді.

Ырыс қашса да туыс қоймайды.

Мал айдаса – жаудыкі, ысқырса – желдікі.

Ақжалау бар да малым бар деме,

Әзірейіл бар да жаным бар деме.

Жаманның малы үйінде күйеді.

Жақсының малы жиында күйеді.

Ит тойса, атасын танымас,

Жаманға мал бітсе, жақынын танымас.

Жылқы турасында:

Ат қосақсыз жүгірмейді.

Ат сүрінбей, жер танымас.

Арық атқа қамшы ауыр.

Жақсы аттың тісін ашпа.

Кәрі атын мақтаған жолда қалар.

Тай атқа, ат мұратқа жеткізер.

Шідерлі атың ‑ өз атың,

Тұсаулы атың – бос атың.

Жақсы ат алдынан сүрінбей, артынан сүрінеді.

Алтын ерің атқа тисе, алтынын ал да отқа жақ.

Жақсы ат – жанға серік.

Балықшының аты суға жарымайды.

Атты ақысын жаяуға жібермейді.

Кәртайғанда кәрібоз жорға шығарады.

Атты – батыр, атсыз – жатыр.

Ат өледі, құс қашады.

Ат аяғын жерге қарайды, құс аяған көкке қарайды.

Атың жемқор болса, берді құдай.

Қатының жемқор болса, ұрды құдай.

Ата алмай атынан, қайтып келіп қатынынан көреді.

Ат кәдірін жоқ білмес, ас кәдірін тоқ білмес.

Жақындықты ат айырады, оқымағанды хат айырады.

Ат мінбеген ат мінсе, шаба‑шаба өлтірер,

Тон кимеген тон кисе, сілке‑сілке тоздырар.

Қара арғымақтан жал кетсе, қарға адым жер мұң болар.

Елің жаман болса, бір жақсыны сағала,

Атың жаман болса, ақ текенің мүйізімен тағала.

Қой турасында:

Қой анасы – оннан, жылқы анасы – бестен.

Сүтсіз қой маңырауық.

Жаман қой ісегінде кәртаяды.

Қой үріккен жағына жүрмейді.

Қой егіз туса, шөптің басы айыр туады.

Саулықтың басы үлкен, ісектің басы үлкен.

Бұқа буға, азбан дуға семіреді.

Қошқардың жайын мал баққан біледі.

Қойды шартық бүлдіреді, елді қортық бүлдіреді.

Қойшының қызы қой келгенде іс қылады.

Ешкі турасында:

Есі кеткен ешкі жияр,ешкімен есін жияр.

Ешкілі қой өреген.

Ешкі егіз тауып қойдан аспас,

Ит сегіз тауып елден аспас.

Түйе турасында:

Жылқы ‑ малдың патшасы, түйе – малдың қасқасы.

Аттың атағы, түйенің табаны үлкен.

Бір түйенің екі өркеші, бірі кетсе – күші жоқ,

Бір бүйенің екі емшегі, бірі кетсе – сүті жоқ.

Түйе қашып, жүктен кете алмас.

Түйе көп болса, жүк сыймайды.

Түйе өлген жерде жүк қалады.

Қоныс ақысын түйе қайтарады.

Алыстан шабынған бураның күші қайтады.

өткелде түйенің үлкені таяқ жейді.

Ата биеден, аруана түйеден туады.

Төрт аяқтыда бота, екі аяқтыда құрдас тату.

Сиыр турасында:

Сиыр судан жериді, су сиырдан жериді.

Сиыр су ішкенде, бұзау мұз жалайды.

Үйде өскен бұзау түзде өгіз болмас.

Біреудің бұзауына дегені өзінің өгізіне тиеді.

Түзде бұзау өлсе, үйдегі сүтке ит тиеді.

Бұқаның аразасы бұзау арасында.

• 2019 Апрель
• 2020 Май